Հայաստանի Բանկերի Միություն

Միությունը իրավաբանական անձ ոչ առևտրային կազմակերպություն է, որի ստեղծման նպատակն է եղել բանկերի շահերի պաշտպանությունը:

ՀՀ առևտրային բանկերին ներկայացվեց տրանսպորտային միջոցների գույքահարկի և անշարժ գույքի հարկի վճարումների ամբողջապես ավտոմատացված համակարգը

25.10.2021
ՀՀ առևտրային բանկերին ներկայացվեց տրանսպորտային միջոցների գույքահարկի և անշարժ գույքի հարկի վճարումների ամբողջապես ավտոմատացված համակարգը

 

  Հայաստանի բանկերի միությունում կայացած աշխատանքային հանդիպման շրջանակներում ներկայացվեցին ՀՀ տարածքում տրանսպորտային միջոցների գույքահարկի ու անշարժ գույքի հարկի վճարումների կառավարման տեղեկատվական համակարգի ներդրման պայմաններն ու հնարավորությունները։

  Հանդիպում-քննարկմանը ներկա էին ՀՀ առևտրային բանկերի, ՀՀ տարածքային կառավարման և ենթակառուցվածքների նախարարության, Երևանի քաղաքապետարանի, Էլեկտրոնային կառավարման ենթակառուցվածքների ներդրման գրասենյակի և համակարգը մշակող կազմակերպության ներկայացուցիչներ:

  Քննարկման շրջանակներում ՀՀ կառավարության և Երևանի քաղաքապետարանի ներկայացուցիչները խոսեցին համակարգի ներդրման կարևորության վերաբերյալ։ Համակագը մշակող ՏՏ կազմակերպության ղեկավարությունը ներկայացրեց տեխնիկական հնարավորությունները։

  Նոր համակարգը հնարավորություն է ընձեռում տրանսպորտային միջոցների գույքահարկի ու անշարժ գույքի հարկի պարտքի չափի ճշտումն ու բանկային անդորրագրի փոխանցումը համայնքապետարան իրականացնել բացառապես էլեկտրոնային եղանակով: Ստեղծված ինտեգրման հնարավորությունը կիրառելի կլինի նաև առևտրային բանկերի բջջային հավելվածներում:

  Հանդիպման ավարտին բանախոսները պատասխանեցին ՀՀ առևտրային բանկերի ներկայացուցիչների հարցադրումներին:

 

Նմանատիպ նորություններ

Բաժնետիրական սկզբունքներով աշխատող բանկերը մեծ ներուժ ունեն
Բաժնետիրական սկզբունքներով աշխատող բանկերը մեծ ներուժ ունեն
26.06.2024

ԱՐԱՐԱՏԲԱՆԿ ԲԲԸ-ի հերթական տարեկան ժողովին մասնակցեց «Հայաստանի բանկերի միության նախագահ Դանիել Ազատյանը։


Համատեղ ուսումնամասնագիտական ծրագրեր, սեմինարներ և կոնֆերանսներ․ հուշագրի ստորագրում «Հայաստանի Օքսֆորդի շրջանավարտների բիզնես ակումբ»-ի հետ
Համատեղ ուսումնամասնագիտական ծրագրեր, սեմինարներ և կոնֆերանսներ․ հուշագրի ստորագրում «Հայաստանի Օքսֆորդի շրջանավարտների բիզնես ակումբ»-ի հետ
19.06.2024

«Հայաստանի բանկերի միություն»-ը և «Հայաստանի Օքսֆորդի շրջանավարտների բիզնես ակումբ»-ը ստորագրել են համագործակցության հուշագիր, որով ամրապնդել են ֆինանսաբանկային ոլորտում առաջընթացի նոր ծրագրեր իրականացնելու հեռանկարը։

«Հայաստանի բանկերի միություն»-ը և «Միջազգային ֆինանսական կորպորացիա»-ն միավորեցին բանկային և կառուցապատման ոլորտի մասնագետներին կանաչ կառույցներ ստեղծելու գաղափարի շուրջ
«Հայաստանի բանկերի միություն»-ը և «Միջազգային ֆինանսական կորպորացիա»-ն միավորեցին բանկային և կառուցապատման ոլորտի մասնագետներին կանաչ կառույցներ ստեղծելու գաղափարի շուրջ
13.06.2024

  Բանկային և կառուցապատման ոլորտի ներկայացուցիչների մասնակցությամբ այսօր տեղի ունեցավ «Հայաստանի բանկերի միության» և «Միջազգային ֆինանսական կորպորացիայի» համագործակցությամբ կազմակերպված «Կայուն հորիզոններ. ուրվագծելով Հայաստանում կանաչ կառուցապատման ներդրումների ապագան» միջոցառումը։