Հայաստանի Բանկերի Միություն

Հայաստանի բանկերի միության խորհրդի հերթական նիստում ՀԲՄ խորհրդի նոր նախագահ է ընտրվել «Արդշինբանկ» ՓԲԸ վարչության նախագահ Արտակ Անանյանը: Այս պաշտոնում նա կփոխարինի «ԱյԴի բանկ» ՓԲԸ վարչության նախագահ Մհեր Աբրահամյանին, ով միությունը նախագահել է 2019-2020 թվականներին:
ՀԲՄ կանոնադրության համաձայն միության նախագահն ընտրվում է մեկ տարի ժամկետով:
Հայաստանի բանկերի միության գործադիր տնօրեն Սեյրան Սարգսյանը և խորհրդի անդամները շնորհակալություն են հայտնել Մհեր Աբրահամյանին արդյունավետ գործունեության համար և նորընտիր նախագահին մաղթել հաջողություններ:
ՀԲՄ խորհրդի նախագահ Արտակ Անանյանն ունի շուրջ 20 տարվա մասնագիտական աշխատանքային փորձ Հայաստանի ֆինանսական համակարգում:
Արտակ Անանյանի կենսագրությանը կարող եք ծանոթանալ հետևյալ հղմամբ:

Հայաստանի բանկերի միության
հասարակայնության հետ կապերի ծառայություն