Հայաստանի Բանկերի Միություն
Զգոն եղեք և պահպանե՛ք ֆինանսական անվտանգության կանոնները. ՀԲՄ
![Զգոն եղեք և պահպանե՛ք ֆինանսական անվտանգության կանոնները. ՀԲՄ Զգոն եղեք և պահպանե՛ք ֆինանսական անվտանգության կանոնները. ՀԲՄ](https://uba.am/img/site_news/list/1683269614-5501.jpeg)
Հաշվի առնելով, որ ֆինանսական համակարգում պարբերաբար ակտիվանում են ֆինանսական զեղծարարության տարբեր դեպքերը, ևս մեկ անգամ հորդորում ենք զգոն լինել և պահպանել բանկային տվյալների օգտագործման անվտանգության կանոնները:
ՀԻՇԵՔ՝ առևտրային բանկերն անում են առավելագույնն իրենց հաճախորդների հաշիվների ու քարտերի անվտանգությունն ապահովելու համար: Սակայն այդ հարցում առավելագույն արդյունքի ապահովումն առաջին հերթին կախված է հաճախորդից։
Պահպանելով մի քանի պարզ կանոններ և առաջնորդվելով բանկերի կողմից հրապարակվող անվտանգության ուղեցույցերով, դուք կխուսափեք հնարավոր զեղծարարություններից և չեք կրի ֆինանսական կորուստներ։
Հորդորում ենք ոչ մի դեպքում երրորդ անձանց չտրամադրել Ձեր նույնականացման և բանկային տվյալները, մասնավորապես՝
- Անձնագրի, նույնականացման քարտի և սոցիալական քարտի համարը,
- Բանկային քարտի 16-նիշ համարը,
- Բանկային քարտի CVV/CVC կոդը և PIN-կոդը,
- SMS-ով ստացված նույնականացման կոդերը,
- Մի քննարկեք և տրամադրեք Ձեր անձնական տվյալները նամակագրության հավելվածների միջոցով (Viber, WhatsApp, Messenger, Telegram և այլն)։
Եթե որևէ բանկի անունից ստանում եք կասկածելի զանգ, էլեկտրոնային նամակ կամ հաղորդագրություն, որոնց միջոցով ձեզ առաջարկում են աննախադեպ արտոնյալ պայմաններով ֆինանսական ծառայություններ կամ պարզվում է, որ դուք դրամական շահում ունեք, ապա անհրաժեշտ է, որպեսզի դուք կապ հաստատեք ձեզ սպասարկող բանկի հետ՝ զանգի կամ հաղորդագրության իսկությունը ստուգելու համար։
ՀԻՇԵՔ՝ բանկերը հաճախորդներից երբեք չեն պահանջում տրամադրել քարտի ամբողջական վավերապայմանները, մոբայլ բանկինգ հավելվածի գաղտնաբառը, ինչպես նաև իբրև անվտանգության նկատառումներով հաշվի գումարը մեկ այլ հաշիվ տեղափոխել:
Առևտրային բանկերի պրոդուկտների, ծառայությունների, ինչպես նաև տարբեր ակցիաների վերաբերյալ հավաստի տեղեկատվությունը հասանելի է բանկերի պաշտոնական կայքերում և սոցիալական ցանցերի պաշտոնական էջերում։ Անհրաժեշտ տեղեկատվությունը հնարավոր է ստանալ նաև բանկերի զանգերի կենտրոններից։
ՀԲՄ հասարակայնության հետ կապերի ծառայություն
Նմանատիպ նորություններ
Վրաստան կատարած այցի ընթացքում Հայաստանի բանկերի միության նախագահ Դանիել Ազատյանը հանդիպել է նաև «Bank of Geօgia»-ի գլխավոր տնօրեն Արչիլ Գաչեչիլաձեի հետ։
Տեղի է ունեցել Հայաստանի բանկերի միության նախագահ Դանիել Ազատյանի այցը հարևան Վրաստան, որի ընթացքում օգոստոսի 29-ին Թբիլիսիում հանդիպել է Վրաստանի բանկային ասոցիացիայի նախագահ Ալեքսանդր Ձնելաձեի հետ։
Հայաստանի բանկերի միության նախագահ Դանիել Ազատյանը, Կենտրոնական բանկի նախագահի տեղակալ Արմեն Նուրբեկյանը, «Արդշինբանկ» ՓԲԸ վարչության նախագահ Արտակ Անանյանը և «Արդշինբանկ» ՓԲԸ վարչության նախագահի տեղակալ, ներդրումային բիզնեսի տնօրեն Դավիթ Սարգսյանը Seaside Startup Summit-ում խարույկի շուրջ էին հավաքել երիտասարդ startuper-ներին և ինտերակտիվ հարց ու պատասխանի ընթացքում ներկայացրին հայաստանյան բանկային համակարգը, խոսեցին տնտեսության զարգացումից և կրիպտոակտիվներից։