Հայաստանի Բանկերի Միություն
Կլոր սեղան «Բանկ-լրագրող համագործակցություն, ծրագրերն ու հեռանկարները» թեմայով
Հայաստանի բանկերի միության և Տնտեսական լրագրողների ակումբի համատեղ նախաձեռնությամբ մարտի 12-ին կազմակերպվել է «Բանկ-լրագրող համագործակցություն, ծրագրերն ու հեռանկարները» խորագրով կլոր սեղան՝ քննարկելու ՀՀ առևտրային բանկերի և լրատվամիջոցների համագործակցության իրական հեռանկարներն ու ձևաչափերը:
Կլոր սեղանին մասնակցել են տարբեր լրատվամիջոցներում աշխատող և ֆինանսատնտեսական թեմաները լուսաբանող լրագրողներ ու ՀՀ առևտրային բանկերի հանրային կապերի պատասխանատուներ:
Հայաստանի բանկերի միության գործադիր տնօրեն Ս. Սարգսյանն իր խոսքում անդրադարձել է Բանկային համակարգի ու տնտեսական լրագրողների համագործակցության բարելավմանն ուղղված հարցերին, ընդգծել այդ ասպարեզում փոփոխություններ և նոր լուծումներ գտնելու անհրաժեշտությունը:
Այնուհետև Տնտեսական լրագրողների ակումբի նախագահ Ա. Բաղդասարյանը դիտարկումներ է կատարել PR տեխնոլոգիաների, ընկերության դրական իմիջի ձևավորման և մասնագիտական էթիկայի հիման վրա փոխհամագործակցության կարևորության վերաբերյալ:
Քննարկման ընթացքում բանկ-լրագրող շփումների և արդյունավետ համագործակցության, առկա խնդիրների և դրանց լուծման, ինչպես նաև բանկային գործընթացների լուսաբանման աշխատանքների կազմակերպման վերաբերյալ իրենց նկատառումներն են ներկայացրել ու մտքեր փոխանակել լրատվական ոլորտի փորձագետները, լրագրողներն ու մի շարք բանկերի հանրային կապերի պատասխանատուներ:
Կլոր սեղան-քննարկման ընթացքում նախանշվել են նաև տնտեսական լրագրողների մասնակցությամբ առաջիկայում նախատեսվող սեմինարների կազմակերպմանը և հետագա համագործակցության արդյունավետության բարձրացմանը միտված որոշակի ծրագրեր:
Հայաստանի բանկերի միություն
Տնտեսական լրագրողների ակումբ
Նմանատիպ նորություններ
«ՀՀ քաղաքացիական օրենսգրքում փոփոխություններ և լրացումներ կատարելու մասին» ՀՀ օրենքի նախագծում առկա բանկերի համար խնդրահարույց փոփոխությունների վերաբերյալ այսօր Հայաստանի բանկերի միությունում տեղի ունեցավ առցանց հանդիպում-քննարկում
