Հայաստանի Բանկերի Միություն

  ՀՀ ԿԲ «Իմ ֆինանսների ամիս-2021» ծրագրի շրջանակում կայացավ «Ինձ հեշտ չէ խաբելը» թեմայով նկարչական մրցույթի հաղթողների պարգևատրման արարողությունը:

  Նկարչական մրցույթի նպատակն էր կարևորել ֆինանսական ոլորտում զգոն լինելը և ֆինանսական զեղծարարությունների ու խարդախությունների զոհ չդառնալը: Մրցույթին մասնակցում էին 5-12 տարեկան երեխաներն ու պատանիները:

  Բացի հիմնական հաղթողներից, ֆինանսական կառույցները ներկայացնող ժյուրիի անդմաները պարգևատրեցին նաև իրենց կողմից հավանության արժանացած աշխատանքների հեղինակներին։

  Հայաստանի բանկերի միության հատուկ մրցանակին և հավաստագրին արժանացավ Գագիկ Ստեփանյանի անվան թիվ 135 դպրոցի աշակերտուհի, Նոր Նորքի մշակույթի կենտրոնի ակադեմիական դասարանի սան տասնամյա ժասմինա Հովսեփյանը (աշխատանքը կցվում է):

Լուսանկարները՝ ABCFinance.am-ի ֆեյսբուքյան էջից