Հայաստանի Բանկերի Միություն

Միությունը իրավաբանական անձ ոչ առևտրային կազմակերպություն է, որի ստեղծման նպատակն է եղել բանկերի շահերի պաշտպանությունը:

ՀԲՄ նախաձեռնությամբ ուսանողների համար կազմակերպվել են բացօթյա դասախոսություններ

19.09.2019
ՀԲՄ նախաձեռնությամբ ուսանողների համար կազմակերպվել են բացօթյա դասախոսություններ

  Հայաստանի բանկերի միության նախաձեռնությամբ իրականացվող «Ֆինանսական գրագիտություն և հմտություններ» խորագրով հանրային միջոցառումների ծրագրի շրջանակներում մեկնարկել է «Նոր ուսումնական տարին՝ նոր գիտելիքներով» ուսանողական դասընթացների շարքը:

  Դասընթացների մասնակիցներին ողջույնի և բացման խոսքով դիմել է Հայաստանի բանկերի միության գործադիր տնօրեն Սեյրան Սարգսյանը՝ ընդգծելով, որ «ֆինանսական գրագիտությունը ֆինանսական գիտելիքների, հմտությունների, դիրքորոշման և վերաբերմունքի համակցումն է, որն    անհրաժեշտ է անձնական ֆինանսների կառավարման գործում ճիշտ որոշումներ կայացնելու և բարեկեցություն ապահովելու  համար: Եվ առավել արդյունավետ է, որ այս ընկալումը մարդու մոտ առավել արմատավորվի դեռևս ուսանողական տարիքում»:

  Հայաստանի Ֆրանսիական համալսարանի ուսանողների մասնակցությամբ Երևանի Անգլիական այգում կազմակերպված դասընթացների առաջին օրվա օրակարգում ներառվել են «Ամերիաբանկ» ՓԲԸ Անհատական ֆինանսական ծառայությունների և քարտերի վարչության ղեկավար Էլեն Դանիելյանի դասախոսությունը՝ «Բանկը իմ առաջին 5 հավելվածների շարքում» թեմայով, ինչպես նաև «Արմսվիսբանկ» ՓԲԸ Գործադիր տնօրենի տեղակալ - Բիզնեսի զարգացման դեպարտամենտի տնօրեն Արկադի Փինաչյանի դասախոսությունը՝ պարտատոմսերի և բանկային ավանդի ընդհանրությունների ու առանձնահատկությունների վերաբերյալ:

  Հարկ է նշել, որ մասնակից ուսանողների և ԲՈՒՀ-ի պրոֆեսորադասախոսական անձնակազմի կողմից մեծապես կարևորվել է ուսուցողական այս միջոցառումը, համարվել արդյունավետ ու նպատակային:

  Հայաստանի Ֆրանսիական համալսարանի արտաքին կապերի և որակի գծով պրոռեկտոր Արայիկ Նավոյանն իր շնորհակալական խոսքն է հղել կազմակերպիչներին՝ Հայաստանի բանկերի միությանը և առևտրային բանկերին, հետաքրքիր և բովանդակալից միջոցառում իրականացնելու համար:

  Բանախոսները պատասխանել են նաև ուսանողների կողմից բարձրացված տարբեր հարցադրումներին և տրամադրել անհրաժեշտ պարզբանումներ:

  Հավելենք, որ առաջիկայում շարունակվելու են Հայաստանի բանկերի միության նախաձեռնությամբ իրականացվող «Ֆինանսական գրագիտություն և հմտություններ» ծրագրով նախատեսված միջոցառումները:

 

Հայաստանի բանկերի միության

հասարակայնության հետ կապերի ծառայություն


Նմանատիպ նորություններ

Համատեղ ուսումնամասնագիտական ծրագրեր, սեմինարներ և կոնֆերանսներ․ հուշագրի ստորագրում «Հայաստանի Օքսֆորդի շրջանավարտների բիզնես ակումբ»-ի հետ
Համատեղ ուսումնամասնագիտական ծրագրեր, սեմինարներ և կոնֆերանսներ․ հուշագրի ստորագրում «Հայաստանի Օքսֆորդի շրջանավարտների բիզնես ակումբ»-ի հետ
19.06.2024

«Հայաստանի բանկերի միություն»-ը և «Հայաստանի Օքսֆորդի շրջանավարտների բիզնես ակումբ»-ը ստորագրել են համագործակցության հուշագիր, որով ամրապնդել են ֆինանսաբանկային ոլորտում առաջընթացի նոր ծրագրեր իրականացնելու հեռանկարը։

«Հայաստանի բանկերի միություն»-ը և «Միջազգային ֆինանսական կորպորացիա»-ն միավորեցին բանկային և կառուցապատման ոլորտի մասնագետներին կանաչ կառույցներ ստեղծելու գաղափարի շուրջ
«Հայաստանի բանկերի միություն»-ը և «Միջազգային ֆինանսական կորպորացիա»-ն միավորեցին բանկային և կառուցապատման ոլորտի մասնագետներին կանաչ կառույցներ ստեղծելու գաղափարի շուրջ
13.06.2024

  Բանկային և կառուցապատման ոլորտի ներկայացուցիչների մասնակցությամբ այսօր տեղի ունեցավ «Հայաստանի բանկերի միության» և «Միջազգային ֆինանսական կորպորացիայի» համագործակցությամբ կազմակերպված «Կայուն հորիզոններ. ուրվագծելով Հայաստանում կանաչ կառուցապատման ներդրումների ապագան» միջոցառումը։


«Հայաստանի բանկերի միությունը» և «Հայաստանի կառուցապատողների ասոցիացիան» համագործակցության հուշագիր են ստորագրել
«Հայաստանի բանկերի միությունը» և «Հայաստանի կառուցապատողների ասոցիացիան» համագործակցության հուշագիր են ստորագրել
11.06.2024

«Հայաստանի բանկերի միությունը» և «Կառուցապատողների հայկական ասոցիացիան» այսօր՝ հունիսի 11-ին, ստորագրեցին հուշագիր, որը երկուստեք կնպաստի ոլորտային խնդիրների բարձրացմանը և լուծման ուղիներ գտնելուն, կողմերի շահերի ներկայացմանն ու պաշտպանությանը։