Հայաստանի Բանկերի Միություն
Առևտրային բանկերի հետ քննարկվել են «Կատարողական վարույթի մասին» օրենքի նախագծի նոր լուծումները
![Առևտրային բանկերի հետ քննարկվել են «Կատարողական վարույթի մասին» օրենքի նախագծի նոր լուծումները Առևտրային բանկերի հետ քննարկվել են «Կատարողական վարույթի մասին» օրենքի նախագծի նոր լուծումները](https://uba.am/img/site_news/list/1686572161-2908.jpeg)
Արդարադատության նախարարության և Հարկադիր կատարումն ապահովող ծառայության աշխատակիցները՝ ՀՀ գլխավոր հարկադիր կատարող Արսեն Մնացականյանի գլխավորությամբ, հանդիպել են Հայաստանի բանկերի միության և առևտրային բանկերի ներկայացուցիչների հետ:
Հանդիպման ընթացքում քննարկվել են «Կատարողական վարույթի մասին» օրենքի շրջանառվող նախագծի նոր լուծումները, այն հիմնական ուղղությունները, որոնցով նախագծի ընդունումն ազդեցություն կունենա առևտրային բանկերի՝ որպես կատարողական վարույթի մասնակցի կարգավիճակի վրա, ինչպես նաև բանկային հաշիվներում առկա և այլ դրամական միջոցների բռնագանձման գործընթացի առաջարկվող կարգավորումները:
Քննարկման ընթացքում ընդգծվել է, որ նախագծի ընդունման հիմնական նպատակներից են հարկադիր կատարման արդյունավետության բարձրացումը, կատարողական վարույթի բոլոր մասնակիցների և շահագրգիռ անձանց իրավունքների համապարփակ պաշտպանությունը և կատարողական ծախսերի հաշվարկման նոր համակարգի ներդրումը:
Արսեն Մնացականյանը շեշտադրել է, որ առևտրային բանկերը նախագծերի այս փաթեթի և դրանով առաջարկվող փոփոխությունների հիմնական հասցեատերերից են, և այս համատեքստում նման քննարկումներն առանձնակի կարևորություն ունեն:
Ընդգծվել է Արդարադատության նախարարության պատրաստակամությունը՝ օրենսդրական բարեփոխումների հետագա գործընթացում ևս առևտրային բանկերի հետ ակտիվ համագործակցության առնչությամբ:
![Առևտրային բանկերի հետ քննարկվել են «Կատարողական վարույթի մասին» օրենքի նախագծի նոր լուծումները Առևտրային բանկերի հետ քննարկվել են «Կատարողական վարույթի մասին» օրենքի նախագծի նոր լուծումները](https://uba.am/img/site_news/small/1686572161-3972.jpeg)
![Առևտրային բանկերի հետ քննարկվել են «Կատարողական վարույթի մասին» օրենքի նախագծի նոր լուծումները Առևտրային բանկերի հետ քննարկվել են «Կատարողական վարույթի մասին» օրենքի նախագծի նոր լուծումները](https://uba.am/img/site_news/small/1686572161-4277.jpeg)
Նմանատիպ նորություններ
ԱՐԱՐԱՏԲԱՆԿ ԲԲԸ-ի հերթական տարեկան ժողովին մասնակցեց «Հայաստանի բանկերի միության նախագահ Դանիել Ազատյանը։
«Հայաստանի բանկերի միություն»-ը և «Հայաստանի Օքսֆորդի շրջանավարտների բիզնես ակումբ»-ը ստորագրել են համագործակցության հուշագիր, որով ամրապնդել են ֆինանսաբանկային ոլորտում առաջընթացի նոր ծրագրեր իրականացնելու հեռանկարը։
Բանկային և կառուցապատման ոլորտի ներկայացուցիչների մասնակցությամբ այսօր տեղի ունեցավ «Հայաստանի բանկերի միության» և «Միջազգային ֆինանսական կորպորացիայի» համագործակցությամբ կազմակերպված «Կայուն հորիզոններ. ուրվագծելով Հայաստանում կանաչ կառուցապատման ներդրումների ապագան» միջոցառումը։