Հայաստանի Բանկերի Միություն
«Տարվա լավագույն ֆինանսաբանկային հրապարակում» թեմայով մրցույթ
![«Տարվա լավագույն ֆինանսաբանկային հրապարակում» թեմայով մրցույթ «Տարվա լավագույն ֆինանսաբանկային հրապարակում» թեմայով մրցույթ](https://uba.am/img/site_news/list/1573024497-2533.jpeg)
Հայաստանի բանկերի միությունը հայտարարում է ՄՐՑՈՒՅԹ լրագրողների համար՝ «Տարվա լավագույն ֆինանսաբանկային հրապարակում» թեմայով:
Պայմաններ
- Մրցույթին մասնակցելու համար անհրաժեշտ է ներկայացնել 2019թ. հունվարի 1-ից մինչև նոյեմբերի 30-ը ներառյալ ֆինանսաբանկային թեմաների շուրջ հեռարձակված հեռուստա և ռադիո հաղորդումները, տպագիր ու առցանց մամուլում լույս տեսած հոդվածները, նյութերը կամ հրապարակումները:
- Ներկայացված բոլոր նյութերը պետք է լինեն լրագրողական էթիկայի և հեղինակային իրավունքի պահանջներին համապատասխան:
Հրապարակումները պետք է լինեն ֆինանսաբանկային ոլորտի որևէ թեմայի վերաբերյալ համակողմանի և արհեստավարժ վերլուծություններ՝ անկողմնակալ և ապաքաղաքական:
Ընտրություն
Ներկայացված աշխատանքները գնահատվելու են ոլորտի մասնագետներից և փորձագետներից կազմված ժյուրիի կողմից՝ ընտրելով հաղթողներ հետևյալ անվանակարգերում`
- Լավագույն հեռուստառեպորտաժ
- Լավագույն ռադիոռեպորտաժ
- Լավագույն տպագիր հոդված
- Լավագույն առցանց հոդված
Յուրաքանչյուր անվանակարգում հաղթողը կստանա դրամական մրցանակ:
Մրցույթի ամփոփումը և մրցանակների հանձնումը տեղի կունենա դեկտեմբեր ամսվա ընթացքում:
Մրցույթին մասնակցել ցանկացողները կարող են մինչև 30.11.2019 ներառյալ իրենց աշխատանքներն ուղարկել competition@uba.am էլ. փոստին՝ վերջինիս թեմա /subject/ պատուհանում համապատասխանաբար նշելով «ՏԱՐՎԱ ԼԱՎԱԳՈՒՅՆ ՖԻՆԱՆՍԱԲԱՆԿԱՅԻՆ ՀՐԱՊԱՐԱԿՈՒՄ» բառերը: Ներկայացվող աշխատանքների հետ միասին անհրաժեշտ է ուղարկել նաև հրապարակման հղում(ներ)ը, (երբ և որտեղ)՝ նշելով հեղինակ(ներ)ի կոնտակտային տվյալները:
ՀԻՇԵՑՈՒՄ
Լրագրողների կողմից ներկայացված հայտերից բացի մրցույթին մասնակցելու են նաև գնահատող հանձնախմբի կողմից իրականացված մամուլի մշտադիտարկումների արդյունքում ընդգրկված այլ աշխատանքներ:
Մրցույթը կայանում է ՀԲՄ նախաձեռնությամբ իրականացվող
«Ֆինանսական գրագիտություն և հմտություններ»
խորագրով հանրային միջոցառումների ծրագրի շրջանակներում:
ՀԱՅԱՍՏԱՆԻ ԲԱՆԿԵՐԻ ՄԻՈՒԹՅՈՒՆ
Նմանատիպ նորություններ
ԱՐԱՐԱՏԲԱՆԿ ԲԲԸ-ի հերթական տարեկան ժողովին մասնակցեց «Հայաստանի բանկերի միության նախագահ Դանիել Ազատյանը։
«Հայաստանի բանկերի միություն»-ը և «Հայաստանի Օքսֆորդի շրջանավարտների բիզնես ակումբ»-ը ստորագրել են համագործակցության հուշագիր, որով ամրապնդել են ֆինանսաբանկային ոլորտում առաջընթացի նոր ծրագրեր իրականացնելու հեռանկարը։
Բանկային և կառուցապատման ոլորտի ներկայացուցիչների մասնակցությամբ այսօր տեղի ունեցավ «Հայաստանի բանկերի միության» և «Միջազգային ֆինանսական կորպորացիայի» համագործակցությամբ կազմակերպված «Կայուն հորիզոններ. ուրվագծելով Հայաստանում կանաչ կառուցապատման ներդրումների ապագան» միջոցառումը։