Հայաստանի Բանկերի Միություն
Միությունը իրավաբանական անձ ոչ առևտրային կազմակերպություն է, որի ստեղծման նպատակն է եղել բանկերի շահերի պաշտպանությունը:
ՀԲՄ աջակցությամբ Գյումրիում տեղի ունեցավ ներառական ինտելեկտուալ խաղ
06.12.2021
Հայաստանի բանկերի միության աջակցությամբ Գյումրու Մարզամշակութային Ներառական Կենտրոնում տեղի ունեցավ «Ե´կ մտածենք» ինտելեկտուալ խաղը՝ նվիրված հաշմանդամների միջազգային օրվան։
Ամենամյա խաղի 11-րդ հանդիպմանը մասնակցեցին 2016թ. ապրիլյան քառօրյա և 2020թ. Արցախյան 44-օրյա պատերազմների ժամանակ հաշմանդամություն ձեռք բերած զինվորականներ՝ Գյումրիից, Վանաձորից և Երևանից:
Ծրագրի նպատակն է կրթական նախաձեռնության միջոցով երիտասարդներին մասնակից դարձնել սոցիալական և քաղաքացիական կյանքին:
«Ե´կ մտածենք» ինտելեկտուալ խաղի արդյունքներն ամփոփելուց հետո հաղթող ճանաչվեց Երևանից ժամանած թիմը։ Միջոցառման ավարտին հաղթական գավաթներ հանձնվեցին բոլոր 3 թիմերին։
