Հայաստանի Բանկերի Միություն

  Շարունակելով ՀՀ բանկային համակարգի ցուցանիշների վերաբերյալ տեղեկատվական շարքը՝ այս անգամ ներկայացնում ենք առևտրային բանկերի կողմից 2024թ․ 9 ամիսներին վճարված հարկերի վերաբերյալ ամփոփ անդրադարձը։

  Նախ նշենք, որ 1000 խոշոր հարկ վճարողների կողմից ընթացիկ տարվա հունվար-սեպտեմբեր ամիսների ընթացքում պետական բյուջե վճարվել է ավելի քան 1 տրիլիոն 323 մլրդ․ դրամ: Ցուցանիշը 52%-ով գերազանցում է 2021թ․ նույն ժամանակահատվածում գրանցված ցուցանիշին, որը կազմում էր ավելի քան 871 մլրդ դրամ։

  Հայաստանի 18 առևտրային բանկերի կողմից ընթացիկ տարվա հունվար-սեպտեմբեր ամիսներին վճարվել է շուրջ 103 մլրդ դրամի հարկ, ինչը 2.5 անգամ գերազանցում է 2021թ․ նույն ժամանակահատվածում գրանցված ցուցանիշը, որը կազմում էր 41 մլրդ․դրամ։

  Այսպիսով, բանկերի կողմից վճարված հարկերի տեսակարար կշիռը (1000 խոշոր հարկատուների ցանկում) 2021 թ․-ի համեմատ աճել է 3%-ով (4.7%-ից 7.8%)։