Հայաստանի Բանկերի Միություն
Առևտրային բանկերի ներկայացուցիչները հանդիպել են էկոնոմիկայի նախարարի հետ
«Հայաստանի Հանրապետության քաղաքացիական օրենսգրքում փոփոխություններ կատարելու մասին» օրենքի նախագիծը քննարկելու նպատակով՝ տեղի է ունեցել էկոնոմիկայի նախարար Վահան Քերոբյանի հանդիպումը առևտրային բանկերի ներկայացուցիչների հետ։
Էկոնոմիկայի նախարարության կողմից մշակված նախագծով առաջարկվում է կառուցապատողի հատուկ հաշվին փոխանցումը փոխարինել ակրեդիտիվի բացման մեխանիզմով։ Նախարարը ներայացրել է տվյալ փոփոխության անհրաժեշտությունը, նշելով, որ մասնագետների կողմից ներկայացված առաջարկները նույնպես կդիտարկվեն։
Հանդիպմանը ներկա առևտրային բանկերի ներկայացուցիչները ներկայացրել են իրենց դիրքորոշումն ու հիմնավորումները՝ առաջարկելով այլընտրանքային լուծման մեխանիզմներ։ Արդյունքում ձեռք է բերվել պայմանավորվածություն՝ հարցի առնչությամբ առաջիկայում կկազմակերպել ևս մեկ քննարկում ՀՀ ԿԲ, Ազգային հիփոթեքային ընկերության, առևտրային բանկերի ու ՀԲՄ ներկայացուցիչների մասնակցությամբ։
Լուսանկարները՝ Էկոնոմիկայի նախարարության
Նմանատիպ նորություններ
Սեպտեմբերի 13-ին ՀՀ կենտրոնական բանկի, Հայաստանի բանկերի միության , ՀՀ առևտրային բանկերի, Լոռու մարզպետարանի և «Իմ անտառ Հայաստան» բնապահպանական կազմակերպության ներկայացուցիչները այցելեցին հայկական դրամի 30-ամյակի առթիվ հիմնված անտառային տնկարկներ Լոռու մարզի Ջրաշեն և Ուրասար համայքներում:
«Հայաստանի բանկերի միության» նախագահ Դանիել Ազատյանը հունիսի 21-ին մասնակցեց «Հայէկոնոմբանկ» ԲԲԸ բաժնետերերի տարեկան ժողովին։
Շնորհավորելով «Հայէկոնոմբանկ»-ի բաժնետերերին և ղեկավարությանը՝ Դանիել Ազատյանը շեշտեց, որ ընկերությունը տարիների ընթացքում ցույց է տվել իր կայուն դիրքը բանկային համակարգում՝ լինելով պահպանողական, բայց հետ չընկնելով նորարարություններից։ «Բանկի հաջողության գրավականներից մեկը նաև ճիշտ կադրեր ընտրելու քաղաքականությունն է»,-նշեց Հայաստանի բանկերի միության նախագահը։
