Հայաստանի Բանկերի Միություն

Միությունը իրավաբանական անձ ոչ առևտրային կազմակերպություն է, որի ստեղծման նպատակն է եղել բանկերի շահերի պաշտպանությունը:

Ֆինանսաբանկային ոլորտի զարգացման նոր խթան․ կնքվել է համագործակցության եռակողմ հուշագիր

01.02.2023
Ֆինանսաբանկային ոլորտի զարգացման նոր խթան․ կնքվել է համագործակցության եռակողմ հուշագիր

  Հայաստանի բանկերի միության գործադիր տնօրեն Սեյրան Սարգսյանը, ԵՊՀ տնտեսագիտության և կառավարման ֆակուլտետի դեկան Հայկ Սարգսյանը, նույն ֆակուլտետի «Հետազոտությունների և գործարարության կենտրոն» հիմնադրամի գլխավոր տնօրեն Մերուժան Գալստյանը ստորագրել են համագործակցության հուշագիր, որով մասնավորապես կարևորվում է բանկային ոլորտի կադրերի որակավորման բարձրացման խնդիրը, ֆինանսական գրագիտության և ֆինանսաբանկային ոլորտի հիմնահարցերի շուրջ գիտահետազոտական աշխատանքների իրականացումը։

  Համագործակցության հուշագրի համաձայն՝ կողմերն իրագործելու են ֆինանսաբանկային ոլորտին առնչվող կրթական ու հետազոտական համատեղ նախագծեր, ըստ անհրաժեշտության կազմակերպվելու են նաև բաց դասեր, սեմինարներ, մասնագիտական հանդիպում-քննարկումներ:

  Հանդիպման ընթացքում կողմերն արձանագրել են, որ համագործակցությունը լայն հնարավորություններ է ստեղծում ԵՊՀ տնտեսագիտության և կառավարման ֆակուլտետի ուսանողների համար՝ տարբեր ուղղություններով մասնագիտական հմտությունները զարգացնելու առումով:

  Հանդիպմանը ներկա են եղել նաև ԵՊՀ տնտեսագիտության և կառավարման ֆակուլտետի փոխդեկանները, դասախոսները, բակալավրի և մագիստրատուրայի կրթական ծրագրերի ղեկավարները, ֆակուլտետի «Հետազոտությունների և գործարարության կենտրոն» հիմնադրամի անդամները և Հայաստանի բանկերի միության ներկայացուցիչներ:

 

Լուսանկարները՝ ԵՊՀ-ի

Նմանատիպ նորություններ

Բաժնետիրական սկզբունքներով աշխատող բանկերը մեծ ներուժ ունեն
Բաժնետիրական սկզբունքներով աշխատող բանկերը մեծ ներուժ ունեն
26.06.2024

ԱՐԱՐԱՏԲԱՆԿ ԲԲԸ-ի հերթական տարեկան ժողովին մասնակցեց «Հայաստանի բանկերի միության նախագահ Դանիել Ազատյանը։


Համատեղ ուսումնամասնագիտական ծրագրեր, սեմինարներ և կոնֆերանսներ․ հուշագրի ստորագրում «Հայաստանի Օքսֆորդի շրջանավարտների բիզնես ակումբ»-ի հետ
Համատեղ ուսումնամասնագիտական ծրագրեր, սեմինարներ և կոնֆերանսներ․ հուշագրի ստորագրում «Հայաստանի Օքսֆորդի շրջանավարտների բիզնես ակումբ»-ի հետ
19.06.2024

«Հայաստանի բանկերի միություն»-ը և «Հայաստանի Օքսֆորդի շրջանավարտների բիզնես ակումբ»-ը ստորագրել են համագործակցության հուշագիր, որով ամրապնդել են ֆինանսաբանկային ոլորտում առաջընթացի նոր ծրագրեր իրականացնելու հեռանկարը։

«Հայաստանի բանկերի միություն»-ը և «Միջազգային ֆինանսական կորպորացիա»-ն միավորեցին բանկային և կառուցապատման ոլորտի մասնագետներին կանաչ կառույցներ ստեղծելու գաղափարի շուրջ
«Հայաստանի բանկերի միություն»-ը և «Միջազգային ֆինանսական կորպորացիա»-ն միավորեցին բանկային և կառուցապատման ոլորտի մասնագետներին կանաչ կառույցներ ստեղծելու գաղափարի շուրջ
13.06.2024

  Բանկային և կառուցապատման ոլորտի ներկայացուցիչների մասնակցությամբ այսօր տեղի ունեցավ «Հայաստանի բանկերի միության» և «Միջազգային ֆինանսական կորպորացիայի» համագործակցությամբ կազմակերպված «Կայուն հորիզոններ. ուրվագծելով Հայաստանում կանաչ կառուցապատման ներդրումների ապագան» միջոցառումը։