Հայաստանի Բանկերի Միություն
Շնորհավորանք բանկային աշխատողի օրվա կապակցությամբ
Բանկային համակարգի հարգարժա՛ն աշխատողներ,
Հարգելի՛ գործընկերներ
Հայաստանի բանկերի միության խորհրդի և անձամբ իմ կողմից ջերմ բարեմաղթանքներով շնորհավորում եմ Բանկային աշխատողի օրվա կապակցությամբ:
Այս նշանակալի տոնի առիթով ևս անհրաժեշտ եմ համարում հերթական անգամ ընդգծել Հայաստանի Հանրապետության բանկերի բոլոր աշխատակիցների գործունեության կարևորությունն ու փաստել, որ Ձեր առաքելությունն իրականացնում եք ամենայն պատասխանատվությամբ և հոգատարությամբ:
Բանկային աշխատանքն ունի իր առանձնահատկություններն ու յուրահատկությունները և ուրախությամբ ենք արձանագրում, որ մեր համակարգի աշխատակիցները լավագույնս ընկալում և կիրառում են այդ ամենից բխող նորովի պահանջներն ու սկզբունքները, բանկային ասպարեզում ընթացող համաշխարհային զարգացումների տրամաբանությունն ու միտումները:
Տոնական օրվա շրջանակներում մեկ անգամ ևս պետք է վստահաբար բարձրաձայնենք մեր երկրում նկատելիորեն կայացած և անընդհատ կատարելագործվող բանկային համակարգի առկայության մասին՝ այդ ամենի հիմքում դարձյալ գնահատանքի խոսքեր հղելով իրենց գործառույթները պատվով իրականացնող բանկային աշխատողներին:
Դարձյալ շնորհավորում եմ և ցանկանում, որ աշխատանքային հաջողություններն ու ձեռբերումները լինեն Ձեր առօրյայի անբաժան ուղեկիցները:
Մաղթում եմ ամենայն բարիք և բոլոր ծրագրերի, նպատակների ու նախաձեռնությունների իրականացնում:
Հարգանքով՝
ՄՀԵՐ ԱԲՐԱՀԱՄՅԱՆ
ՀԱՅԱՍՏԱՆԻ ԲԱՆԿԵՐԻ ՄԻՈՒԹՅԱՆ ՆԱԽԱԳԱՀ
Նմանատիպ նորություններ
ԱՐԱՐԱՏԲԱՆԿ ԲԲԸ-ի հերթական տարեկան ժողովին մասնակցեց «Հայաստանի բանկերի միության նախագահ Դանիել Ազատյանը։
«Հայաստանի բանկերի միություն»-ը և «Հայաստանի Օքսֆորդի շրջանավարտների բիզնես ակումբ»-ը ստորագրել են համագործակցության հուշագիր, որով ամրապնդել են ֆինանսաբանկային ոլորտում առաջընթացի նոր ծրագրեր իրականացնելու հեռանկարը։
Բանկային և կառուցապատման ոլորտի ներկայացուցիչների մասնակցությամբ այսօր տեղի ունեցավ «Հայաստանի բանկերի միության» և «Միջազգային ֆինանսական կորպորացիայի» համագործակցությամբ կազմակերպված «Կայուն հորիզոններ. ուրվագծելով Հայաստանում կանաչ կառուցապատման ներդրումների ապագան» միջոցառումը։
