Հայաստանի Բանկերի Միություն

Հայաստանի բանկերի միությունը, Երևանի պետական համալսարանի հետ ձեռք բերված համագործակցության շրջանակում, հայտարարում է Հետազոտական էսսեների մրցույթ ԵՊՀ ուսանողների համար։

➢ Մրցույթի թեմաներն են՝

• Էլեկտրոնային վճարումների և բանկային քարտերի ապագան․ բանկերի տրանսֆորմացիան։
•  Թվային տեխնոլոգիաների փոխակերպման ազդեցությունը բանկային համակարգի  վրա։ 
•  Բանկային միջավայրի բարելավման նախագծեր։

➢ Մրցույթին մասնակցելու պայմանները՝

• մրցույթին կարող են մասնակցել միայն ԵՊՀ ուսանողները,
• ուսանողներն էսսեները պետք է ներկայացնեն անհատապես. խմբային աշխատանքները չեն ընդունվում,
• էսսեների ներկայացման վերջնաժամկետն է՝ 2024 թ․ դեկտեմբերի 6-ը։
• Էսսեները և անհրաժեշտ տեղեկատվությունն անհրաժեշտ է ուղարկել՝ լրացնելով կից հղումը՝   https://forms.gle/tJg88JZdmqqdq1WY9

➢ ԷՍՍԵՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐ

•  Էսսեները պետք է համապատասխանեն մրցույթի թեմաներին,
• պարունակեն միմյանց չհակասող իրական և փաստարկված տվյալներ,
• պարունակեն հետազոտական միտք,
• այլ աղբյուրներից մեջբերումների դեպքում հղումները (օգտագործված գրականության ցանկ) պարտադիր են,
• համապատասխանեն հետևյալ տեխնիկական պահանջներին՝

- տառատեսակը՝ GHEA Grapalat կամ Sylfaen, տառաչափը՝ 12

 ➢ Ընտրություն

Ներկայացված աշխատանքները գնահատվելու են ոլորտի մասնագետներից և փորձագետներից կազմված անկախ ժյուրիի կողմից: 

Մրցույթի արդյունքի համաձայն` մրցութային  յուրաքանյուր թեմայի մասով առաջին, երկորդ և երրորդ տեղերը զբաղեցրած մասնակցիներին համապատասխանաբար կտրվեն մրցանակներ: Սահմանված են նաև հատուկ մրցանակներ։

• Մրցույթի վերաբերյալ լրացուցիչ տեղեկությունների համար դիմել Հայաստանի բանկերի միություն՝ pr@uba.am էլեկտրոնային հասցեով կամ զանգահարելով +374 99527731 հեռախոսհամարով։