Հայաստանի Բանկերի Միություն
ՀԱՅՏԱՐԱՐՈՒԹՅՈՒՆ. բիզնես-պլանների կազմման մրցույթ
![ՀԱՅՏԱՐԱՐՈՒԹՅՈՒՆ. բիզնես-պլանների կազմման մրցույթ ՀԱՅՏԱՐԱՐՈՒԹՅՈՒՆ. բիզնես-պլանների կազմման մրցույթ](https://uba.am/img/site_news/list/1569915500-9741.jpeg)
Հայաստանի բանկերի միությունը հայտարարում է «Բիզնես-պլանի կազմում» թեմայով մրցույթ` տնտեսագիտական կրթությամբ ուսանողների համար:
Մրցույթին կարող են մասնակցել Հայաստանի Հանրապետության բարձրագույն ուսումնական հաստատությունների (պետական և մասնավոր) տնտեսագիտական ուղղվածություն ունեցող ֆակուլտետների/բաժինների ավարտական (վերջին) կուրսերի ուսանողները:
Պայմաններ
- Անհրաժեշտ է կազմել իրատեսական բիզնես-պլանների նախագծեր (ոլորտային սահմանափակում չկա, այդ թվում՝ նաև բանկային համակարգում կիրառելի բիզնես-պլանի առաջարկները):
- Աշխատանքները պետք է ներառեն նորարար գաղափարներ ու մոտեցումներ:
- Աշխատանքային լեզուն՝ հայերեն:
Աշխատանքները գնահատվելու են նախապես ձևավորված մասնագիտական հանձնախմբի կողմից: Լավագույն աշխատանքները կխրախուսվեն հատուկ մրցանակներով, նվերներով ու հավաստագրերով, ինչպես նաև կներառվեն ՀՀ առևտրային բանկերի բիզնես-հետաքրքրությունների ցանկում: Մրցույթի ամփոփումը և մրցանակաբաշխությունը տեղի է ունենալու Խնայողությունների համաշխարհային օրվա (31.հոկտեմբերի.2019թ.) շրջանակներում նախատեսվող միջոցառումների ընթացքում:
Մրցույթներին մասնակցել ցանկացողները կարող են մինչև 18.10.2019թ. ներառյալ իրենց աշխատանքներն ուղարկել competition@uba.am էլ. փոստի միջոցով՝ վերջինիս թեմա /subject/ պատուհանում համապատասխանաբար նշելով «ԲԻԶՆԵՍ-ՊԼԱՆ» բառերը:
Մրցույթը կայանում է ՀԲՄ նախաձեռնությամբ իրականացվող
«Ֆինանսական գրագիտություն և հմտություններ»
խորագրով հանրային միջոցառումների ծրագրի շրջանակներում:
ՀԱՅԱՍՏԱՆԻ ԲԱՆԿԵՐԻ ՄԻՈՒԹՅՈՒՆ
Նմանատիպ նորություններ
ԱՐԱՐԱՏԲԱՆԿ ԲԲԸ-ի հերթական տարեկան ժողովին մասնակցեց «Հայաստանի բանկերի միության նախագահ Դանիել Ազատյանը։
«Հայաստանի բանկերի միություն»-ը և «Հայաստանի Օքսֆորդի շրջանավարտների բիզնես ակումբ»-ը ստորագրել են համագործակցության հուշագիր, որով ամրապնդել են ֆինանսաբանկային ոլորտում առաջընթացի նոր ծրագրեր իրականացնելու հեռանկարը։
Բանկային և կառուցապատման ոլորտի ներկայացուցիչների մասնակցությամբ այսօր տեղի ունեցավ «Հայաստանի բանկերի միության» և «Միջազգային ֆինանսական կորպորացիայի» համագործակցությամբ կազմակերպված «Կայուն հորիզոններ. ուրվագծելով Հայաստանում կանաչ կառուցապատման ներդրումների ապագան» միջոցառումը։