Հայաստանի Բանկերի Միություն
Բանկային աշխատողի օրը՝ պատանի տաղանդների ընկերակցությամբ
![Բանկային աշխատողի օրը՝ պատանի տաղանդների ընկերակցությամբ Բանկային աշխատողի օրը՝ պատանի տաղանդների ընկերակցությամբ](https://uba.am/img/site_news/list/1669190556-7358.jpeg)
Բանկային աշխատողի օրվա առթիվ «Առնո Բաբաջանյան» համերգասրահում Հայաստանի բանկերի միության (ՀԲՄ) նախաձեռնությամբ կայացավ դասական երաժշտության տոնական համերգը։ Համերգին ելույթ ունեցան «Երաժշտություն հանուն ապագայի» մշակութային հիմնադրամի Տալենտում կրթական և զարգացման ծրագրի կրթաթոշակառուները։ Պատանի տաղանդների կատարմամբ հնչեցին հայ և օտարազգի համաշխարհային ճանաչում ունեցող կոմպոզիտորների ստեղծագործությունները՝ գունեղ երանգ հաղորդելով համերգային երեկոյին։
Ներկաներին ուղղված ՀԲՄ շնորհավորական ուղերձում մասնավորապես ասված էր․ «Այսօր հպարտությամբ ենք նշում, որ տասնամյակներ շարունակ դիմակայելով ներքին և արտաքին գործոններով պայմանավորված փորձություններին՝ բանկային համակարգը բազմիցս է ապացուցել, որ կայացած է, մրցունակ, հուսալի ու վստահելի։ Այս ամենի կողքին հպարտորեն նաև փաստում ենք, որ տարիների կայացման ու զարգացման ճանապարհը բանկերին հաջողվել է անցնել իրենց աշխատողների մասնագիտական բարձր որակների և ամենօրյա եռանդուն ու նվիրված աշխատանքի շնորհիվ։ Շնորհավորելով բանկային համակարգի աշխատողիներին՝ մաղթում ենք քաջառողջություն, մասնագիտական ձեռքբերումներ և արդյունավետ աշխատանքային գործունեություն»:
«Երաժշտություն հանուն ապագայի» մշակութային հիմնադրամի տնօրեն Աննա Տեր-Հովակիմյանի փոխանցմամբ` տոնական համերգային ծրագիրը յուրօրինակ նվեր էր բանկային համակարգի աշխատակիցներին՝ մասնագիտական տոնի առթիվ։
«Տալենտում ծրագրի բոլոր կրթաթոշակառուների և անձամբ իմ անունից շնորհավորում ենք մասնագիտական տոնի՝ Բանկային աշխատողի օրվա առթիվ, և ցանկանում նշել, որ Հայաստանի բանկերի միության և բանկերի հետ ձեռք բերված համագործակցության շնորհիվ է հնարավոր դառնում շարունակել Հայաստանի պատանի տաղանդների համար այդքան կարևոր կրթական և զարգացման Talentum ծրագիրը: Լիահույս եմ, որ բանկային համակարգի հետ մեր համագործակցությունը կընդլայնվի և կունենա արդյունավետ շարունակություն: Իսկ դա հնարավորություն կընձեռի Talentum կրթական և զարգացման ծրագրին ընդգրկել ավելի շատ տաղանդավոր պատանիների՝ ի նպաստ վաղվա Հայաստանի մշակութային զարգացման»,- նշում է «Երաժշտություն հանուն ապագայի» մշակութային հիմնադրամի տնօրեն Աննա Տեր-Հովակիմյանը։
Տոնական երեկոյի ավարտին Հայաստանի բանկերի միությանը հանձնվեց շնորհակալագիր՝ ի նշան «Երաժշտություն հանուն ապագայի» մշակութային հիմնադրամի և առևտրային բանկերի հետ հաստատված համագործակցության։
![Բանկային աշխատողի օրը՝ պատանի տաղանդների ընկերակցությամբ Բանկային աշխատողի օրը՝ պատանի տաղանդների ընկերակցությամբ](https://uba.am/img/site_news/small/1669190557-0592.jpeg)
![Բանկային աշխատողի օրը՝ պատանի տաղանդների ընկերակցությամբ Բանկային աշխատողի օրը՝ պատանի տաղանդների ընկերակցությամբ](https://uba.am/img/site_news/small/1669190557-3704.jpeg)
![Բանկային աշխատողի օրը՝ պատանի տաղանդների ընկերակցությամբ Բանկային աշխատողի օրը՝ պատանի տաղանդների ընկերակցությամբ](https://uba.am/img/site_news/small/1669190557-6764.jpeg)
![Բանկային աշխատողի օրը՝ պատանի տաղանդների ընկերակցությամբ Բանկային աշխատողի օրը՝ պատանի տաղանդների ընկերակցությամբ](https://uba.am/img/site_news/small/1669190557-9942.jpeg)
![Բանկային աշխատողի օրը՝ պատանի տաղանդների ընկերակցությամբ Բանկային աշխատողի օրը՝ պատանի տաղանդների ընկերակցությամբ](https://uba.am/img/site_news/small/1669190558-3243.jpeg)
![Բանկային աշխատողի օրը՝ պատանի տաղանդների ընկերակցությամբ Բանկային աշխատողի օրը՝ պատանի տաղանդների ընկերակցությամբ](https://uba.am/img/site_news/small/1669190558-6492.jpeg)
![Բանկային աշխատողի օրը՝ պատանի տաղանդների ընկերակցությամբ Բանկային աշխատողի օրը՝ պատանի տաղանդների ընկերակցությամբ](https://uba.am/img/site_news/small/1669190563-685.jpeg)
![Բանկային աշխատողի օրը՝ պատանի տաղանդների ընկերակցությամբ Բանկային աշխատողի օրը՝ պատանի տաղանդների ընկերակցությամբ](https://uba.am/img/site_news/small/1669190564-0915.jpeg)
![Բանկային աշխատողի օրը՝ պատանի տաղանդների ընկերակցությամբ Բանկային աշխատողի օրը՝ պատանի տաղանդների ընկերակցությամբ](https://uba.am/img/site_news/small/1669190564-4861.jpeg)
![Բանկային աշխատողի օրը՝ պատանի տաղանդների ընկերակցությամբ Բանկային աշխատողի օրը՝ պատանի տաղանդների ընկերակցությամբ](https://uba.am/img/site_news/small/1669190564-7861.jpeg)
Նմանատիպ նորություններ
«Հայաստանի բանկերի միության» նախագահ Դանիել Ազատյանը հունիսի 21-ին մասնակցեց «Հայէկոնոմբանկ» ԲԲԸ բաժնետերերի տարեկան ժողովին։
Շնորհավորելով «Հայէկոնոմբանկ»-ի բաժնետերերին և ղեկավարությանը՝ Դանիել Ազատյանը շեշտեց, որ ընկերությունը տարիների ընթացքում ցույց է տվել իր կայուն դիրքը բանկային համակարգում՝ լինելով պահպանողական, բայց հետ չընկնելով նորարարություններից։ «Բանկի հաջողության գրավականներից մեկը նաև ճիշտ կադրեր ընտրելու քաղաքականությունն է»,-նշեց Հայաստանի բանկերի միության նախագահը։