Հայաստանի Բանկերի Միություն

  Շահագրգիռ կողմերի մասնակցությամբ Հայաստանի բանկերի միությունում կայացել է «Լիզինգի վերաբերյալ օրենսդրական փոփոխությունները և առկա խնդիրները» թեմայով կլոր սեղան-քննարկում:

  Համապատասխան օրենսդրական փաթեթը մշակած Գործարարության աջակցության հայաստանյան գրասենյակի և ՎԻՆԿ խորհրդատվական ընկերության ներկայացուցիչները լիզինգ տրամադրող առևտրային բանկերին և վարկային կազմակերպություններին ներկայացրեցին փոփոխությունների մանրամասները: Օրենսդրական փաթեթը մշակվել է համադրելով միջազգային փորձի ուսումնասիրությունը, տեղական լիզինգատուներից և փորձագետներից ստացված տեղեկատվությունը և առաջարկները:

  Նշենք, որ լիզինգի օրենսդրական դաշտը բարելավող օրենսդրական նախագծերի փաթեթն ՀՀ ազգային ժողովի կողմից ընդունվել է 2020 թ. հունիսի 18-ին և ուժի մեջ մտել հուլիսի 1-ից:

  Կողմերը քննարկեցին նաև լիզնգի կարգավորման նոր լուծումների արդյունքում արձանագրված ձեռքբերումներն ու առկա խնդիրները և օրենսդրության հետագա բարելավմանն ուղղված մի շարք հարցեր:

  Գործարարության աջակցման գրասենյակի ներկայացուցիչների փոխանցմամբ՝ լիզինգի բնագավառում ընթացակարգերի հստակեցումը և պարզեցումը միտված է գործարար միջավայրի բարելավմանը, ներդրումների խրախուսմանն, ինչպես նաև արդյունաբերության և գյուղատնտեսության զարգացման համար նախապայմանների ստեղծմանը:

ՀԲՄ հասարակայնության հետ կապերի ծառայություն