Հայաստանի Բանկերի Միություն
Մասնագիտական վերապատրաստման դասընթաց՝ առևտրային բանկերի PR պատասխանատուների համար
ՀԲՄ նախաձեռնությամբ առևտրային բանկերի հասարակայնության հետ կապերի (PR) պատասխանատուների համար անցկացվեց մասնագիտական վերապատրաստման դասընթաց, որը վարեց PR տեխնոլոգ, գրող, «Взрывной PR» գործակալության տնօրեն Ռոման Մասլեննիկովը: Բանախոսի ընտրությունը կատարվել էր հաշվի առնելով վերջինիս մասնագիտական գործունեությունը և վերապատրաստման դասընթացներ վարելու փորձը:
Վերապատրաստման դասընթացի շրջանակում առևտրային բանկերի 22 ներկայացուցիչները ծանոթացան մասնավորապես բանկային համակարգում PR տեխնոլոգիաների առավել արդյունավետ կիրառման եղանակներին, ճգնաժամային հաղորդակցության հիմնախնդիրներին, ինչպես նաև անձնական և կորպորատիվ բրենդինգի գաղտնիքներին:
Դասընթացի մասնակիցներին կհանձնվեն հավաստագրեր:
Նմանատիպ նորություններ
Սեպտեմբերի 13-ին ՀՀ կենտրոնական բանկի, Հայաստանի բանկերի միության , ՀՀ առևտրային բանկերի, Լոռու մարզպետարանի և «Իմ անտառ Հայաստան» բնապահպանական կազմակերպության ներկայացուցիչները այցելեցին հայկական դրամի 30-ամյակի առթիվ հիմնված անտառային տնկարկներ Լոռու մարզի Ջրաշեն և Ուրասար համայքներում:
«Հայաստանի բանկերի միության» նախագահ Դանիել Ազատյանը հունիսի 21-ին մասնակցեց «Հայէկոնոմբանկ» ԲԲԸ բաժնետերերի տարեկան ժողովին։
Շնորհավորելով «Հայէկոնոմբանկ»-ի բաժնետերերին և ղեկավարությանը՝ Դանիել Ազատյանը շեշտեց, որ ընկերությունը տարիների ընթացքում ցույց է տվել իր կայուն դիրքը բանկային համակարգում՝ լինելով պահպանողական, բայց հետ չընկնելով նորարարություններից։ «Բանկի հաջողության գրավականներից մեկը նաև ճիշտ կադրեր ընտրելու քաղաքականությունն է»,-նշեց Հայաստանի բանկերի միության նախագահը։
