Հայաստանի Բանկերի Միություն

Միությունը իրավաբանական անձ ոչ առևտրային կազմակերպություն է, որի ստեղծման նպատակն է եղել բանկերի շահերի պաշտպանությունը:

Բանկերը՝ պատանի տաղանդների կողքին․ կայացավ նախաամանորյա տոնական համերգը Հայաստանի պետական սիմֆոնիկ նվագախմբի մասնակցությամբ

23.12.2022
Բանկերը՝ պատանի տաղանդների կողքին․ կայացավ նախաամանորյա տոնական համերգը Հայաստանի պետական սիմֆոնիկ նվագախմբի մասնակցությամբ

  ՀՀ առևտրային բանկերի՝ ի դեմս Հայաստանի բանկերի միության և «Երաժշտություն հանուն ապագայի» մշակութային հիմնադրամի միջև հաստատված համագործակցության շրջանակում Արամ Խաչատրյան համերգասրահում կայացավ նախաամանորյա տոնական համերգ: Երեկոյի ընթացքում Հայաստանի պետական սիմֆոնիկ նվագախմբի հետ համատեղ ելույթներով հանդես եկան հիմնադրամի «Տալենտում» տաղանդների կրթական և զարգացման ծրագրի կրթաթոշակառուները։

  Ամանորյա տոնական համերգը նախատեսված էր բանկերի աշխատակիցների, նրանց ընտանիքի՝ կրտսեր և ավագ անդամների համար։ Հրավիրված էին նաև Երևանի Մարի Իզմիրլյանի անվան մանկատան և «Զատիկ» երեխաների աջակցության կենտրոնի սաները։

  Հայաստանի պետական սիմֆոնիկ նվագախմբի դիրիժոր, «Երաժշտություն հանուն ապագայի» մշակութային հիմնադրամի հիմնադիր նախագահ Սերգեյ Սմբատյանի համոզմամբ՝ պատանի երաժիշտի համար շատ կարևոր է հանդես գալ նվագախմբի հետ, և նրանց ընձեռնվեց այդ հնարավորությունը:

  «Նման մոտիվացիան՝ ելույթ ունենալ մեծ բեմում Սիմֆոնիկ նվագախմբի հետ  շատ կարևոր է երեխաների համար, միաժամանակ մեծ պատասխանատվություն և փորձ: Կարծում եմ՝  այս համերգը կարող է  դրական փոփոխությունների առիթ դառնալ իրենց մասնագիտական կյանքում»,- նշեց Սմբատյանը:

  Ոչ ստանդարտ ներկայացմամբ համերգային ծրագիրն ընդգրկուն էր․ պատանի տաղանդավոր երաժիշտների կատարմամբ հնչեցին Բախի, Սարասատեի, Չայկովսկու, Բաղդասարյանի, Հարությունյանի, Գերշվինի, Մանգանիի, Գրիգի, Բեթհովենի, Խաչատրյանի, Ռախմանինովի ստեղծագործությունները:

 

ՀԲՄ հասարակայնության հետ կապերի ծառայություն

Նմանատիպ նորություններ

«Բանկային համակարգի կայունության բանաձևը ոլորտում մրցակցային միջավայրն է». Դանիել Ազատյան
«Բանկային համակարգի կայունության բանաձևը ոլորտում մրցակցային միջավայրն է». Դանիել Ազատյան
21.06.2024

«Հայաստանի բանկերի միության» նախագահ Դանիել Ազատյանը հունիսի 21-ին մասնակցեց «Հայէկոնոմբանկ» ԲԲԸ բաժնետերերի տարեկան ժողովին։

Շնորհավորելով «Հայէկոնոմբանկ»-ի բաժնետերերին և ղեկավարությանը՝ Դանիել Ազատյանը շեշտեց, որ ընկերությունը տարիների ընթացքում ցույց է տվել իր կայուն դիրքը բանկային համակարգում՝ լինելով պահպանողական, բայց հետ չընկնելով նորարարություններից։  «Բանկի հաջողության գրավականներից մեկը նաև ճիշտ կադրեր ընտրելու քաղաքականությունն է»,-նշեց Հայաստանի բանկերի միության նախագահը։