Հայաստանի Բանկերի Միություն
Առևտրային բանկերի ղեկավարների այցը Զինվորի տուն
Հայրենիքի պաշտպանի վերականգնողական կենտրոնի հետ հետագա հնարավոր համագործակցության ձևաչափերը քննարկելու նպատակով Հայաստանի բանկերի միության պատվիրակությունը հյուրընկալվել էր Զինվորի տանը:
Կենտրոնում կազմակերպված շրջայցի ընթացքում Հայաստանի առևտրային բանկերի ղեկավարները ծանոթացան վիրավոր զինվորների վերականգնման պայմաններին, ինչպես նաև երկկողմ համագործակցության շրջանակում բանկերի ֆինանսավորմամբ Զինվորի տան համար ձեռք բերված էլեկտրոնեյրոմիոգրաֆիայի սարքի աշխատանքին, որը հնարավորություն է տալիս առավել արդյունավետ դարձնել վիրավոր զինվորների վերականգնողական բուժումը, իրականացնել դինամիկ վերահսկողություն բուժման ամբողջ ընթացքում:
Այցի շրջանակում ԵՊԲՀ ռեկտոր Արմեն Մուրադյանն ու Զինվորի տան տնօրեն Հայկուհի Մինասյանը ներկայացրեցին այն նախագծերը, որոնց շրջանակում կարող է շարունակվել համագործակցությունը:
Հայրենիքի պաշտպանի վերականգնողական կենտրոնի հետ ՀՀ առևտրային բանկերի գործակցության մանրամասներին կանդրադառնանք առաջիկայում:
Նմանատիպ նորություններ
Սեպտեմբերի 13-ին ՀՀ կենտրոնական բանկի, Հայաստանի բանկերի միության , ՀՀ առևտրային բանկերի, Լոռու մարզպետարանի և «Իմ անտառ Հայաստան» բնապահպանական կազմակերպության ներկայացուցիչները այցելեցին հայկական դրամի 30-ամյակի առթիվ հիմնված անտառային տնկարկներ Լոռու մարզի Ջրաշեն և Ուրասար համայքներում:
«Հայաստանի բանկերի միության» նախագահ Դանիել Ազատյանը հունիսի 21-ին մասնակցեց «Հայէկոնոմբանկ» ԲԲԸ բաժնետերերի տարեկան ժողովին։
Շնորհավորելով «Հայէկոնոմբանկ»-ի բաժնետերերին և ղեկավարությանը՝ Դանիել Ազատյանը շեշտեց, որ ընկերությունը տարիների ընթացքում ցույց է տվել իր կայուն դիրքը բանկային համակարգում՝ լինելով պահպանողական, բայց հետ չընկնելով նորարարություններից։ «Բանկի հաջողության գրավականներից մեկը նաև ճիշտ կադրեր ընտրելու քաղաքականությունն է»,-նշեց Հայաստանի բանկերի միության նախագահը։
