Հայաստանի Բանկերի Միություն
Հայաստանի բանկերի միության հատուկ մրցանակը հանձնվեց Վիքիպեդիայի՝ ֆինանսատնտեսագիտական թեմաներով հոդվածների մրցույթի մասնակցին
«Իմ ֆինանսների ամիս-2021» ծրագրի շրջանակում կայացավ ֆինանսատնտեսագիտական թեմաներով հոդվածների մրցույթի հաղթողների պարգևատրման արարողությունը:
Մրցույթի նպատակն է Հայերեն Վիքիպեդիայում ապահովել ֆինանսատնտեսական բովանդակության ամբողջական համապարփակ ներկայացումը և շարունակական նորացումը, ինչպես նաև Հայաստանի ֆինանսատնտեսական համակարգի ներկայացումը թե՛ հայերեն և թե՛ այլ լեզուներով։ Մրցույթի հաղթողներին և հատուկ մրցանակակիրներին ընտրել է ֆինանսաբանկային ոլորտի մասնագետներից բաղկացած ժյուրին: Մրցույթի շրջանակներում գրվել էր 119 հոդված, և 8 խմբագիրներ ստացան դրամական և հատուկ մրցանակներ:
Շնորհակալություն հայտնելով կազմակերպիչ կառույցներին և մրցույթի մասնակիցներին համատեղ իրականացված կարևոր նախաձեռնության համար՝ Հայաստանի բանկերի միության գործադիր տնօրենի տեղակալ Արման Սարգսյանը կարևորեց մրցույթի անցակացումն ինչպես հայերեն Վիքիմեդիայի համալրման, այնպես էլ ֆինանսական գրագիտության բարձրացման տեսանկյունից:
Հայաստանի բանկերի միության հատուկ մրցանակին և հավաստագրին արժանացավ հոդվածագիր Շողեր Ոսկանյանը: Հոդվածը 18-րդ դարի երկրորդ կեսի ֆրանսիացի ականավոր տնտեսագետ և քաղաքական գործիչ, դասական քաղաքատնտեսության ներկայացուցիչ Անն Ռոբեր Ժակ Տյուրգոի մասին է։
Ամբողջական հոդվածը հասանելի է հետևյալ հղումով
Նմանատիպ նորություններ
ԱՐԱՐԱՏԲԱՆԿ ԲԲԸ-ի հերթական տարեկան ժողովին մասնակցեց «Հայաստանի բանկերի միության նախագահ Դանիել Ազատյանը։
«Հայաստանի բանկերի միություն»-ը և «Հայաստանի Օքսֆորդի շրջանավարտների բիզնես ակումբ»-ը ստորագրել են համագործակցության հուշագիր, որով ամրապնդել են ֆինանսաբանկային ոլորտում առաջընթացի նոր ծրագրեր իրականացնելու հեռանկարը։
Բանկային և կառուցապատման ոլորտի ներկայացուցիչների մասնակցությամբ այսօր տեղի ունեցավ «Հայաստանի բանկերի միության» և «Միջազգային ֆինանսական կորպորացիայի» համագործակցությամբ կազմակերպված «Կայուն հորիզոններ. ուրվագծելով Հայաստանում կանաչ կառուցապատման ներդրումների ապագան» միջոցառումը։
