Հայաստանի Բանկերի Միություն
Հանդիպում ՀՀ Ոստիկանության պետական պահպանության գլխավոր վարչության պետի հետ
Հայաստանի բանկերի միությունում կայացել է ՀԲՄ գործադիր տնօրեն Ս. Սարգսյանի և ՀՀ Ոստիկանության պետական պահպանության գլխավոր վարչության պետ Ա. Խաչատրյանի հանդիպումը:
Աշխատանքային հանդիպման ընթացքում զրուցակիցները մտքեր են փոխանակել բանկային համակարգում իրականացվող պահպանության աշխատանքների, ինչպես նաև հիշյալ գործընթացի կազմակերպական մանրամասների վերաբերյալ:
Հայաստանի բանկերի միության գործադիր տնօրենն ու ՀՀ Ոստիկանության պետական պահպանության գլխավոր վարչության պետն անդրադարձ են կատարել բանկերի մասնաճյուղերում պահպանության աշխատանքների շարունակական կատարելագործմանն ու արդյունավետության բարձրացմանը:
Հանդիպման ընթացքում ձեռք է բերվել նաև պայմանավորվածություն՝ պահպանության աշխատանքների արդիականացման ուղղությամբ առաջարկությունների մշակման և ՀՀ առևտրային բանկերի հետ համապատասխան քննարկում կազմակերպելու վերաբերյալ:
Հայաստանի բանկերի միության
հանրային կապերի ծառայություն
Նմանատիպ նորություններ
Վրաստան կատարած այցի ընթացքում Հայաստանի բանկերի միության նախագահ Դանիել Ազատյանը հանդիպել է նաև «Bank of Geօgia»-ի գլխավոր տնօրեն Արչիլ Գաչեչիլաձեի հետ։
Տեղի է ունեցել Հայաստանի բանկերի միության նախագահ Դանիել Ազատյանի այցը հարևան Վրաստան, որի ընթացքում օգոստոսի 29-ին Թբիլիսիում հանդիպել է Վրաստանի բանկային ասոցիացիայի նախագահ Ալեքսանդր Ձնելաձեի հետ։
Հայաստանի բանկերի միության նախագահ Դանիել Ազատյանը, Կենտրոնական բանկի նախագահի տեղակալ Արմեն Նուրբեկյանը, «Արդշինբանկ» ՓԲԸ վարչության նախագահ Արտակ Անանյանը և «Արդշինբանկ» ՓԲԸ վարչության նախագահի տեղակալ, ներդրումային բիզնեսի տնօրեն Դավիթ Սարգսյանը Seaside Startup Summit-ում խարույկի շուրջ էին հավաքել երիտասարդ startuper-ներին և ինտերակտիվ հարց ու պատասխանի ընթացքում ներկայացրին հայաստանյան բանկային համակարգը, խոսեցին տնտեսության զարգացումից և կրիպտոակտիվներից։
