Հայաստանի Բանկերի Միություն

Միությունը իրավաբանական անձ ոչ առևտրային կազմակերպություն է, որի ստեղծման նպատակն է եղել բանկերի շահերի պաշտպանությունը:

Առցանց քննարկում՝ սոցիալական ուղղվածության պետական աջակցության ծրագրերի վերաբերյալ

06.07.2020
Առցանց քննարկում՝ սոցիալական ուղղվածության պետական աջակցության ծրագրերի վերաբերյալ

Այսօր Հայաստանի բանկերի միությունում կազմակերպված առցանց հանդիպում-քննարկումը նվիրված էր Երեխա ունեցող ընտանիքների բնակարանային ապահովության պետական աջակցության ծրագրերին:  

Քննարկմանը մասնակցեցին ՀՀ աշխատանքի և սոցիալական հարցերի փոխնախարարներ Սմբատ Սաիյանը և Աննա Ժամակոչյանը, ՀԲՄ գործադիր տնօրեն Սեյրան Սարգսյանը,  ինչպես նաև ՀԲՄ, ԿԲ, առևտրային բանկերի և նախարարության ներկայացուցիչներ:

Աշխատանքային քննարկման շրջանակում փոխնախարար Սմբատ Սաիյանը պարզաբանումներ ներկայացրեց պետական աջակցության ծրագրերի իրականացման վերաբերյալ բանկերի կողմից ներկայացված դիտարկումների և բարձրացված հարցերի վերաբերյալ: Քննարկվեցին նաև   լիազոր մարմնի և բանկերի միջև տեղեկատվության, ֆինանսական միջոցների փոխանակման և կազմակերպչական մի շարք այլ հարցեր:

Փոխնախարար Սմբատ Սաիյանի փոխանցմամբ՝ Երեխա ունեցող ընտանիքների բնակարանային ապահովության պետական աջակցության առաջին ծրագրի շրջանակներում աջակցությունը կուղղվի բնակարանի կանխավճարի ֆինանսավորմանը։ Երկրորդ ծրագրի շրջանակներում նախատեսում է կանխավճարի ապահովագրության տարեկան ապահովագրավճարների փոխհատուցում՝ պետության կողմից՝ հիպոտեքով բնակարան ձեռք բերելու դեպքում: Երրորդ ծրագրի շրջանակներում պետության կողմից կտրամադրվի միանվագ դրամական աջակցություն այն ընտանիքներին, որոնք ունեն գործող հիպոտեքային վարկ և ընտանիքում ծնվում է երեխա: Աջակցությունը կուղղվի հիպոտեքային վարկի մնացորդային մայր գումարի մարմանը։

Վերոնշյալ ծրագրերի իրականացման գործում ակնկալելով բանկերի ակտիվ ներգրավվածությունը՝ աշխատանքի և սոցիալական հարցերի փոխնախարարը նշեց, որ բանկերի հետ համատեղ արվելու է հնարավորը պետական աջակցության ծրագրերը հանրության համար լիովին հասանելի դարձնելու նպատակով:

          Ամփոփելով հանդիպումը՝ ՀԲՄ գործադիր տնօրեն Սեյրան Սարգսյանը հույս հայտնեց, որ բարձրացված հարցերի վերաբերյալ տրված պարզաբանումները կնպաստեն առաջիկայում առավելագույն քանակով առևտրային բանկերի ներգրավվածությանը սոցիալական ուղղվածության վերոնշյալ ծրագրերի իրականացման գործում:

Նմանատիպ նորություններ

Ասուլիսի հրավեր
Ասուլիսի հրավեր
05.08.2020

Այսօր Հայաստանի բանկերի միությունում կազմակերպված առցանց հանդիպում-քննարկումը նվիրված էր Երեխա ունեցող ընտանիքների բնակարանային ապահովության պետական աջակցության ծրագրերին:  

Վարկավորման երաշխավորության ինստիտուտի օրենսդրական փոփոխություններն անհամաչափ են ու հարվածում են հաճախորդների վարկավորման հասանելիությանը
Վարկավորման երաշխավորության ինստիտուտի օրենսդրական փոփոխություններն անհամաչափ են ու հարվածում են հաճախորդների վարկավորման հասանելիությանը
17.07.2020

Այսօր Հայաստանի բանկերի միությունում կազմակերպված առցանց հանդիպում-քննարկումը նվիրված էր Երեխա ունեցող ընտանիքների բնակարանային ապահովության պետական աջակցության ծրագրերին:  

Հակաճգնաժամային առաջին և երկրորդ ծրագրերով բավարարվել է 17331 վարկային հայտ, տրամադրվել՝ ավելի քան 82 մլրդ դրամ գումար
Հակաճգնաժամային առաջին և երկրորդ ծրագրերով բավարարվել է 17331 վարկային հայտ, տրամադրվել՝ ավելի քան 82 մլրդ դրամ գումար
13.07.2020

Այսօր Հայաստանի բանկերի միությունում կազմակերպված առցանց հանդիպում-քննարկումը նվիրված էր Երեխա ունեցող ընտանիքների բնակարանային ապահովության պետական աջակցության ծրագրերին: