Union of Banks of Armenia
Խնայողությունների համաշխարհային օրը՝ ֆինանսական գրագիտության խթանման միջոց
Արդեն մեկ դար է, ինչ հոկտեմբերի 31-ն աշխարհի տարբեր երկրներում նշվում է որպես Խնայողությունների համաշխարհային օր:
Հայաստանը խնայողությունների օրը սկսել է նշել 2012թ.-ից սկսած: Օրվա խորհրդով պայմանավորված՝ Ավանդների հատուցումը երաշխավորող հիմնադրամն այս տարի ևս կազմակերպել էր միջոցառում, որին ներկա էին ֆինանսաբանկային ոլորտի ներկայացուցիչներ, ուսանողներ և այլ հյուրեր:
Տոնին ընդաձաջ հիմնադրամը հայտարարել էր անհատական աշխատանքների մրցույթ հետևյալ թեմաներով՝ «Խնայողությունները թվային տեխնոլոգիաների արդի ժամանակաշրջանում», «Երիտասարդներն ու խնայողությունները» և «Խնայողությունները որպես անվտանգության բարձիկ, թե՞ հարստանալու միջոց»։
Միջոցառման ընթացքում ամփոփվեցին նաև մրցույթի արդյունքները և հաղթողները հիմնադրամի կողմից արժանացան դրամական պարգեւների և խրախուսական մրցանակների։
Հայաստանի բանկերի միությունը բոլոր մասնակիցներին հնարավորություն ընձեռեց մեկ տարվա ընթացքում անվճար մասնակցելու ՀԲՄ ուսումնական և որակավորման կենտրոնի կողմից անցկացվող 3 թեմատիկ դասընթացներին:
