Union of Banks of Armenia

The Union is the legal entity non-commercial organization and its goal is to present the corporate interests of its members.

Հրանտ Մաթևոսյանին նվիրված ճանաչողական ուխտագնացություն՝ բանկային համայնքի երեխաների համար

11.10.2025

Եթե բանկային համակարգի համար աշունը սկսվեց հագեցած՝ ֆորումներով, հանդիպումներով և ռազմավարական քննարկումներով, ապա բանկերի աշխատակիցների երեխաների համար այն մեկնարկեց յուրահատուկ ոգեշնչմամբ՝ գիտելիքով և մշակութային արժեքներով լի արշավով։

Հայաստանի բանկերի միությունը, իր գործունեության 30-ամյակին նվիրված միջոցառումների շրջանակում և մեծանուն գրող Հրանտ Մաթևոսյանի ծննդյան 90-ամյակի առթիվ, կազմակերպեց ճանաչողական ուխտագնացություն-արշավ դեպի Մաթևոսյանի հայրենի Ահնիձոր գյուղ (Լոռու մարզ)։

Արշավին մասնակցեցին առևտրային բանկերի աշխատակիցների 12-15 տարեկան երեխաները։ Երկու արշավախումբ, երկու օր՝ լի տպավորություններով, նոր ծանոթություններով և հայրենի բնության հմայքով։

Ջերմ տպավորությունները և ծնողների դրական արձագանքները դարձան լավագույն վկայությունն այն մասին, որ նախաձեռնությունը հաջողված էր։

Հաշվի առնելով ծրագրի հանդեմ ձևավորված մեծ հետաքրքրությունը՝ Հայաստանի բանկերի միությունը նախատեսում է արշավների շարքը դարձնել շարունակական։