Union of Banks of Armenia
Հայաստանի բանկային համակարգի «կանաչ օրակարգը» հայկական դրամի 30-ամյակի առթիվ հիմնված անտառային տնկարկներում
Սեպտեմբերի 13-ին ՀՀ կենտրոնական բանկի, Հայաստանի բանկերի միության , ՀՀ առևտրային բանկերի, Լոռու մարզպետարանի և «Իմ անտառ Հայաստան» բնապահպանական կազմակերպության ներկայացուցիչները այցելեցին հայկական դրամի 30-ամյակի առթիվ հիմնված անտառային տնկարկներ Լոռու մարզի Ջրաշեն և Ուրասար համայքներում:
Ազգային արժույթի հարատևությունը խորհրդանշող անտառում Կենտրոնական բանկի նախագահ Մարտին Գալստյանը առանձնակի շեշտեց, որ անտառի ստեղծումն առաջին հերթին ապագայի կառուցման գաղափարական հիմք ունի, և շրջակա միջավայրի պահպանությունը, «կանաչ օրակարգը» առաջնահերթություն դարձնելը կարևոր քայլ է թե՛ Կենտրոնական բանկի, թե՛ առհասարակ բանկային համակարգի համար:
Հայաստանի բանկերի միության նախագահ Դանիել Ազատյանը հատկապես կարևորեց սոցիալական պատասխանատվության նախագծերի շարքում այս միջոցառման նշանակությունը: 160.000 ծառերի տնկման համար ՀՀ բոլոր առևտրային բանկերն իրենց ներդրումն են ունեցել և նպաստել բնապահպանական նմանօրինակ նախագծերի տարածմանը:
Նախորդ տարի հիմնված 50 հա նոր անտառում կաղնիները, թխկիները, եղևնիները, հաճարենիները, լորենիները, վայրի տանձի, վայրի խնձորենու և ընկուզենու տնկիները մեկ տարվա ընթացքում հասցրել էին ամուր արմատներ գցել: Ինչպես նշեց «Իմ անտառ Հայաստան»-ի հիմնադիր տնօրեն Անտրէ Գումուշճեանը, արդեն տասը տարի անց անտառը տեսանելի կլինի և կդառնա Լոռու բնաշխարհի կարևոր մասնիկ:
Related news
«Հայաստանի բանկերի միության» նախագահ Դանիել Ազատյանը հունիսի 21-ին մասնակցեց «Հայէկոնոմբանկ» ԲԲԸ բաժնետերերի տարեկան ժողովին։
Շնորհավորելով «Հայէկոնոմբանկ»-ի բաժնետերերին և ղեկավարությանը՝ Դանիել Ազատյանը շեշտեց, որ ընկերությունը տարիների ընթացքում ցույց է տվել իր կայուն դիրքը բանկային համակարգում՝ լինելով պահպանողական, բայց հետ չընկնելով նորարարություններից։ «Բանկի հաջողության գրավականներից մեկը նաև ճիշտ կադրեր ընտրելու քաղաքականությունն է»,-նշեց Հայաստանի բանկերի միության նախագահը։
