Հայաստանի Բանկերի Միություն

Միությունը իրավաբանական անձ ոչ առևտրային կազմակերպություն է, որի ստեղծման նպատակն է եղել բանկերի շահերի պաշտպանությունը:

ՀԲՄ-ն մասնակցել է WBL4JOB նախագծի քննարկմանը

05.04.2021
ՀԲՄ-ն մասնակցել է WBL4JOB նախագծի  քննարկմանը

  ՀԲՄ գործադիր տնօրեն Սեյրան Սարգսյանը և միության վերլուծաբան Նելլի Այվազյանը ՀՀ ԿԳՄՍ նախարարությունում մասնակցել են բարձրագույն կրթության համակարգում աշխատանքի վրա հիմնված ուսումնառության ներդրման ծրագրի վերաբերյալ հանդիպմանը, որի շրջանակներում քննարկվել է WBL4JOB նախագիծը:

  Հաշվի առնելով, որ աշխատանքի վրա հիմնված ուսումնառության (ԱՀՈՒ) իրականացման համար անհրաժեշտ է գործատուների ակտիվ մասնակցությունը՝ քննարկվել է նախագծի իրականացումը բանկային ոլորտում: Հանդիպման ընթացքում քննարկվել են նաև WBL4JOB ծրագրի իրականացման, դրա հաշվետվողականության մեթոդաբանությանն առնչվող հարցեր:

 Կողմերը գնահատմամբ, որ ԱՀՈՒ մոդելի արդյունավետ ներդրումը կնպաստի աշխատաշուկայում շրջանավարտների մրցունակության, բուհերի և գործատուների համագործակցության մակարդակի բարձրացմանը:

  WBL4JOB նախագծի նպատակը եվրոպական փորձի տեղայնացմամբ աշխատանքի վրա հիմնված ուսումնառության ներդրմանն անհրաժեշտ քաղաքականության, իրավական շրջանակի և բարձրագույն կրթության ընդհանրական մոդելի մշակումն է՝ ի նպաստ բուհերի շրջանավարտների աշխատունակության բարձրացման։

  Հայաստանից նախագծում ներգրաված են ԿԳՄՍ նախարարությունը, Հայաստանի բանկերի միությունը, երկու բուհ՝ Շիրակի պետական համալսարանը և Հայաստանում ֆրանսիական համալսարանը:

 

Լուսանկարները՝ ԿԳՄՍ պաշտոնական էջից: